زمن الاوهام

زمن الاوهام

اسمع منا مثال و كلام
اسمع منا عن الاحلام
بعد ماتسمع عوزك تحلم
تحلم صاحي و لما تنام
و اعمل جهدك اتعب حقق كل احلامك بلا اوهام
ربك خلق الدنيا بحالها بكل مافيها في ست ايام
احلم و احلم و احلم اكتر و اوعي حلمك يبقي كابوس
احلم قبل الحلم مايغلى لو فاكر حلمك بفلوس
احلم و اعمل و اصبر و اتقل مهما كان الحلم بعيد
راح يجي يوم و تحقق حلمك الاحلام ملهاش مواعيد
مين قالك تحلم علي قدك خلي الحلم مالوهش حدود
و اوعي حلمك بس يشدك يبعد بيك عن كل وجود
في اللي بيرضي بالموجود.. و يعيش و لا بيهمه الامر
و اللي بيحلم بالمفروض.. بس مالوش علي حلمه الصبر
و اللي يصر يحقق حلمه.. حتى و لو ينحت في الصخر
في اللي بيحلم يبني يعمر و اللي في حلمه نفسه يدمر
و اللي في حلمه عامل عنتر و اللي يخاف من حلمه بجد
احلم صاحي و احلم نايم احلم و في كلتا الحالتين موهوم
عمرك كنت تصدق ان الاحلام تتحقق
لو حد قالك من ميت سنه او حتى متين
في شئ اسمه الطيارة و زي العصافير بتطير
و تسافر بيك انت و عيلتك  فيها قاعدين
اللي عملها يفرق ايه عنك وعن السامعين
كان واحد زيك يعني مالوش اربع رجلين
او عين واحده في وسط دماغه او فوق راسه طلع قرنين
الفرق بينكم ان مخه ماكنش تخين
احنا بنحلم نلعب كوره ونسجل من غير رجلين
مش كفايه انك تحلم مش مهم الحلم دا ايه